Прэзентацыя на Еўрарадыё: “Детский альбомб” гурта The UNB

Гурт The UNB прэзентуе на Еўрарадыё “Детский альбомб”, які атрымаў назву дзякуючы ўдзелу ў запісе дзяцей музыкаў.

“Шмат хто цяпер ужо думае, што гэта абдрукоўка ў назве, і літара “б” там выпадкова зачасалася, — смяецца лідар гурта Зміцер Дольнік. — Справа ў тым, што ў The UNB недзе на пачатку 90-х быў альбом, які называўся “Альбомб”. Не памятаю, які ён там у дыскаграфіі, дзевяноста нейкі, ці шэсцьдзесят… Але ясна, што гэта сумесь альбома з бомбай. А дзіцячы... ну, у кожнага ж кампазітара ёсць дзіцячыя альбомы. Мне падаецца, што ў The UNB ўсе альбомы для дзяцей, бо яны ім падабаюцца. Але гэты альбом яшчэ і запісаны з удзелам дзяцей”.

Рашэнне не прыцягваць да працы прафесійныя дзіцячыя хоры было прынятае, каб “запіс атрымаўся жывым і сапраўдным, а самае галоўнае бясплатным,” — адзначае Дольнік. Што праўда, для рэалізацыі ідэі давялося больш папрацаваць з тэкстамі і ў выніку вярнуцца да першапачатковага гучання гурта.

“Я сябе крыху абмяжоўваў, — прызнаецца Зміцер Дольнік. — Каб тэксты не былі такімі радыкальнымі, каб было гарманічна, бо ўсё ж такі дзеці спяваюць. Я таксама шалею, калі дзяцей прымушаюць пераспяваць дарослыя тэксты. Таму альбом атрымаўся крыху больш прамы па тэкстах. Ну, мне так падавалася, але цяпер паслухаў, і атрымліваецца, што насамрэч там зноў можна шукаць нейкае двайное дно, падтэкст… І агулам дыск атрымаўся больш прамы, больш падобны на стары The UNB”.

Цікава, што парадкавы нумар новага альбома у дыскаграфіі самага пладавітага беларускага гурта назваць не могуць нават самі музыкі.

“Пытанне вельмі складанае, бо ёсць пэўныя нюансы ў нашай складанай дыскаграфіі, — спрабуе ўзгадаць Дольнік. — Ён дакладна ідзе пасля 110-га! Недзе паміж 110-м і 120-м. Карацей, недзе там”.

Скачаць “Детский альбомб” гурта The UNB можна на сайце kroogi.com з прафайла студыіі “Осмос”, дзе ён і запісваўся. Доступ да рэліза бясплатны, але усе жадаючыя могуць пералічыць вартую на іх погляд суму музыкам.

Трэк-ліст:

1. 01 – Куры не врут
2. 02 – Детский сад
3. 03 – Шмутумбер
4. 04 – Чёрные палтусы
5. 05 – Б.Н.П.
6. 06 – Муугли
7. 07 – Григорий, кушай цикорий
8. 08 – Бунт
9. 09 – Зажигалка Zippo
10. 10 – Воробей
11. 11 – Потому что мне страшно
12. 12 – Гарлзон – человек-мясорубка
13.  
14. Удзел у запісе:
15. Дольнік — лідар-вакал (1-12), гітара (1-12), клавішныя (12), протаскрыпка (12), бэк-вакал (6, 7, 12)
16. Аляксандр Ляўкоўскі — гітара (1-12), бэк-вакал (12), меладыхорн (3), баян (6)
17. IV — бас-гітара (1-12), бэк-вакал (6, 7), высокамастацкі свіст (5)
18. Зміцер Алейнікаў — бубны (1-12)

Таксама:

1. Павел Юрцэвіч — труба (7)
2. Гарык Плевін — труба (12), сэмплы (12)
3. Яўген Філатаў — блок-флейта (12)
4. Макс Івашын — клавішныя (10)

Таксама:

1. Хор сапраўдных дзяцей пад кіраўніцтвам Змітра Алейнікава (1-12):
2. Кіра Лапуцкая (116 см, 28 кг)
3. Міхаіл Васілеўскі (108 см, 18 кг)
4. Фёдар Васілеўскі (122 см, 22 кг)
5. Анастасія Алейнікава (128 см, 33 кг)
6. Сяргей Алейнікаў (161 см, 46 кг)
7.  
8. Гукарэжысёр Гарык Плевін, студыя “Осмос”