Правілы жыцця Шымона Перэса
Калісьці хацелі, каб усе людзі былі роўныя. Цяпер кажуць: хай усе будуць рознымі, але шчаслівымі.
Еўрарадыё публікуе падборку выказванняў Шымона Перэса на самыя розныя жыццёвыя тэмы.
Гасподзь Бог даў кожнаму з нас 350 мільёнаў хвілін для жыцця. І чалавеку трэба вырашаць, што рабіць з усімі гэтымі хвілінамі.
Не будзьце песімістамі — гэта марнаванне часу.
У мінулым няма ні будучыні, ні надзеі.
У жыцці галоўнае не кім быць, а што рабіць.
Калі вашых мараў больш, чым дасягненняў — значыць, вы ўсё яшчэ маладыя.
У вас ёсць значна больш, чым вы думаеце. Не будзьце гультаяватымі.
Я не ведаю, адкуль людзі бяруць энергію, каб праводзіць дні ў бяздзейнасці і ляноце.
Невуцтва раздзімае полымя нянавісці.
Вы хочаце сумленнай палітыкі — ідзіце і рабіце сумленную палітыку.
Дэмакратыя сёння — гэта не толькі права на роўнасць, але і права на тое, каб быць іншым.
Мы думаем, што праблемы заўсёды важней іх рашэння. Але калі азірнемся назад, то застаюцца адны рашэнні.
Сёння тэхналогіі значна больш пераканаўчыя, чым якія-небудзь стратэгіі.
Маладым належыць сучаснасць. Будучыня належыць такім, як я, хто ўжо многае паспытаў.
Пра людзей трэба меркаваць паводле іх учынкаў, не браць у разлік чуткі, якія гэтыя ўчынкі суправаджаюць.
Перамовы вельмі цяжка весці ў сітуацыі, калі абодва бакі хочуць выставіць сябе поўнымі пераможцамі.
Сілай нельга дамагчыся двух рэчаў — міру і любові.
Біл Гейтс і Марк Цукерберг здзейснілі рэвалюцыі больш велічныя, чым Ленін. І зрабілі гэта, не праліўшы ні адзінай кроплі крыві, звязаўшы разам мільярды людзей.
Сёння дасягнуць міру можна хутчэй пры дапамозе навукі, а не палітыкі.
Калісьці хацелі, каб усе людзі былі роўныя. Цяпер кажуць: хай усе будуць рознымі, але шчаслівымі.
