Вы тут

Поўнай інфармацыі пра асуджаных пратэстоўцаў дагэтуль няма

Фота: spring96.org

Поўнай інфармацыі пра асуджаных 16 сакавіка ўдзельнікаў дазволенай акцыі супраць дэкрэта № 3, якая прайшла ў Мінску ў сераду, дагэтуль няма. Верагодна было асуджана каля чатырох дзясяткаў чалавек, звычайна на адміністрацыйны арышт — ад 12 да 15 сутак. У судзе Першамайскага раёна прысуды вынеслі, як мінімум, 8 пратэстоўцам, у судзе Цэнтральнага раёна — не менш за 24, у судзе Савецкага раёна — каля дзясятка.

Удзельнікаў акцыі абвінавачвалі ў "дробным хуліганстве" ці ў "непадпарадкаванні законаму патрабаванню службовай асобы", альбо адразу па 2-х артыкулах. Некаторыя асуджаныя аб'явілі галадоўку.

У Магілёве суд Ленінскага раёна вынес 4 штрафы, тры прысуды на адміністрацыйны арышт (ад 12 да 15 сутак) і адно адміністрацыйнае папярэджанне.

У Гродне суд Ленінскага раёна адправіў аднаго чалавека на 13 сутак арышту.

Як чакаецца, больш поўная інфармацыя з'явіцца ў бліжэйшыя дні.

Новости других медиа
Загрузка...
Загрузка...

Галоўнае

Мікола Сівіцкі прыцягнуў вялікую ўвагу да сваёй персоны.
На здымку бачны кот Леапольд разам са сваім гаспадаром Змітром Дашкевічам і сябрам сям'і Эдуардам Пальчысам. Фота: Facebook

Выбар рэдакцыі