Вы тут

Польскі ўрад: Мы не будзем набываць электраэнергію ў Астраўцы. Кропка

Будаўніцтва АЭС у Астраўцы. Фота з архіву

Польшча не будзе набываць электраэнэргію з Беларускай АЭС, заявіў журналістам упаўнаважаны польскага ўраду па пытаннях стратэгічнай энергетычнай інфраструктуры Пётр Наімскі, піша выданне BiznesAlert.pl.

“Мы не будзем набываць электраэнэргію ў Астраўцы. Кропка. Кампанія PSE (Польскія электрасеткі) прыступіць да разборкі лініі электраперадачы Беласток — Рось”, — цытуе выданне Пятра Наімскага. Адна з прычынаў — “дэсінхранізацыя энергетычных сістэмаў” краінаў Балтыі, Беларусі і Расіі.

Пры гэтым Польшча падтрымлівае пратэст Літвы адносна будаўніцтва БелАЭС.

“Калі электрастанцыя будзе пабудаваная, то яна павінна адпавядаць усім стандартам бяспекі і аховы навакольнага асяроддзя», — адзначыў Наімскі.

Беларусь разлічвала прадаваць электраэнергію, якую будзе выпрацоўваць Беларуская АЭС, суседнім краінам. Такая прапанова была зробленая і польскаму боку.

Раней Літва заклікала суседнія дзяржавы не купляць электраэнэргію ў Астраўцы. Літоўскі міністр энергетыкі Рокас Масюліс звяртаўся да ўрадаў Латвіі, Эстоніі, Польшчы і Фінляндыі з прапановай абмеркаваць, ці варта купляць электраэнергію ў трэціх краінах, якія будуюць небяспечныя АЭС.

Новости других медиа
Загрузка...
Загрузка...

Галоўнае

Мікола Сівіцкі прыцягнуў вялікую ўвагу да сваёй персоны.
На здымку бачны кот Леапольд разам са сваім гаспадаром Змітром Дашкевічам і сябрам сям'і Эдуардам Пальчысам. Фота: Facebook

Выбар рэдакцыі