Пенсіянер карміў аленя, а той яго смяротна параніў
Здарэнне адбылося ў вёсцы Копча Асіповіцкага раёна.
Як інфармуе БЕЛТА, 61-гадовы мясцовы жыхар перыядычна падкармліваў дзікага аленя, які выходзіў з лесу. Аднак увечары 1 кастрычніка, калі мужчына зноў карміў жывёлу, яна чамусьці нанесла яму моцны ўдар рагамі ў жывот.
Пенсіянер атрымаў пашкоджанні ўнутраных органаў і неўзабаве памёр у Асіповіцкай цэнтральнай раённай бальніцы.