На выбарах прэзідэнта Польшчы Дуда перамог з перавагай у 3%
Яўка на другім туры прэзідэнцкіх выбараў, які прайшоў у нядзелю, склала 55,5%.
Увечары ў панядзелак у Польшчы абвешчаныя афіцыйныя вынікі другога тура прэзідэнцкіх выбараў, які адбыўся напярэдадні.
Пераможцам абвешчаны 43-гадовы адвакат, сябра партыі "Права і справядлівасць" і дэпутат Еўрапарламента Анджэй Дуда. Паводле звестак выбаркама, ён набраў 51,55% галасоў. За цяперашняга прэзідэнта Польшчы Браніслава Камароўскага ў другім туры прагаласавала 48,45% выбарцаў. Такім чынам, розніца паміж кадыдатамі склала каля 3%.
Яўка на другім туры прэзідэнцкіх выбараў склала 55,5%.
29 траўня Анджэю Дудзе ўрачыста ўручаць дакументы аб перамозе на выбарах. Інаўгурацыя на пасаду прэзідэнта прызначаная на 6 жніўня.
Фота — gazeta.pl
