На волю выйшаў Павел Севярынец
На волю выйшаў сустаршыня аргкамітэта па стварэнні партыі БХД Павел Севярынец. Ён адбыў 15 сутак адміністрацыйнага арышту ў Оршы.
Як інфармуе прэс-служба БХД, праваахоўнікі не далі сустрэць Севярынца каля ізалятара часовага ўтрымання — вывезлі яго на машыне на вакзал.
Як паведамляла Еўрарадыё, Аршанскі раённы суд пакараў палітыка за ўдзел у аршанскім "Маршы недармаедаў" 12 сакавіка, які атрымаўся шматлюдным. Яго прызналі вінаватым у паўторным парушэнні парадку правядзення масавых мерапрыемстваў.
Перад удзельнікамі вулічнай акцыі ў Оршы выступае Павел Севярынец. Фота: svaboda.org
