На Кастрычніцкай затрыманая праваабаронца Таццяна Равяка
У Мінску затрыманая праваабаронца цэнтру "Вясна" Тацяна Равяка. Яна знаходзілася на Кастрычніцкай плошчы, куды людзі прыйшлі патрабаваць вызвалення ўсіх затрыманых 25 сакавіка на Дзень Волі.
Равяка паведаміла ў Фэйсбуку, што разам з ёй затрыманыя яшчэ 10 чалавек. Таксама затрыманы яе калега Уладзь Лабковіч.
Пад раніцу 26 сакавіка праваабаронцы выявілі прозвішчы 300 затрыманых падчас разгону вулічнай акцыі з нагоды 99-й гадавіны абвяшчэння Беларускай Народнай Рэспублікі.
Большасць былі адпушчаны без складання пратаколаў.
