На Гомельшчыне мужчына застрэліў жонку ў першую шлюбную ноч
Жыхара Буда-Кашалёва асудзілі на 14 гадоў пазбаўлення волі ў калоніі ўзмоцненага рэжыму за забойства жонкі.
Трагедыя адбылася ў першую шлюбную ноч. Як піша БЕЛТА, пара да гэтага жыла ў незарэгістраваным саюзе каля дзесяці гадоў і вырашыла ўзаконіць свае адносіны. На вяселле яны запрасілі родных і блізкіх. Калі госці разышліся, паміж мужам і жонкай распачалася сварка. Муж пабачыў жонку з цыгарэтай, хоць да гэтага яны дамовіліся, што яна кіне паліць.
Мужчына схапіўся за стрэльбу. Адзіны стрэл стаў смяротным для яго жонкі. Пасля гэтага ён паспрабаваў скончыць жыццё самагубствам, стрэліўшы сабе ў рот. Аднак куля засела ў нёбе. Медыкам удалося яго выратаваць.
Фота — fedpress.ru
