На Цнянскім вадасховішчы ў Мінску здарыўся буйны пажар
Нехта з наведнікаў месца адпачынку не да канца патушыў вогнішча.
Увечары ў пятніцу на Цнянскім вадасховішчы ў Мінску насупраць вуліцы Падольскай адбыўся буйны пажар, у выніку якога згарэла 700 квадратных метраў травы. Паведамленне пра ўзгаранне паступіла ў МНС у 19.42.
Пажар ліквідавалі за паўгадзіны. Прычынай узгарання выратавальнікі называюць неасцярожнае абыходжанне з агнём — нехта неправільна патушыў вогнішча, пакідаючы месца адпачынку, паведамляе прэс-служба МНС.
