Міхаіл Мясніковіч паляцеў у Турцыю
Прэм’ер-міністр Беларусі прыме ўдзел у цырымоніі ўзвядзення на прэзідэнцкую пасаду Рэджэпа Таіпа Эрдагана.
Пра гэта паведамляе БелаПАН са спасылкай на прэс-службу беларускага ўраду.
Цырымонія адбудзецца 28 жніўня ў Анкары. Паводле інфармацыі замежніх СМІ, на мерапрыемства запрошаныя кіраўнікі шэрагу дзяржаў, у тым ліку Расіі, ЗША, Арменіі, Азербайджану.
10 жніўня адбыліся першыя ў гісторыі Турцыі ўсенародныя выбары прэзідэнта, на якіх перамогу атрымаў Рэджэп Таіп Эрдаган. Да гэтага ён займаў пасаду прэм’ер-міністра краіны. На прэзідэнцкіх выбарах ён набраў 52% галасоў.
Фота — bymedia.net
