Мінчукам абяцаюць "салодкія" дарогі
Мінгарвыканкам будзе паступова замяняць пясчана-салявыя сумесі супраць галалёду на сумесі, заснаваныя на адходах цукровай вытворчасці (меласы).
Пра гэта паведаміў 1 кастрычніка першы намеснік старшыні гарвыканкама Уладзімір Кухараў.
"Мы плануем і далей выкарыстоўваць гэтыя сумесі і паступова замяшчаць стандартныя пясчана-салявыя сумесі, якія прыносяць пэўную шкоду і навакольнаму асяроддзю, і металічным канструкцыям", — перадае яго слова БелаПАН.
Чыноўнік адзначыў, што летась выкарыстаць новыя сумесі ў поўнай меры не атрымалася, бо зіма была маласнежная і вялікай колькасці рэагентаў не патрабавалася. Новая сумесь, па яго словах, не выклікае карозію, што добра і для аўтамабіляў, і для агараджальных канструкцый.
Летась новыя сумесі выкарыстоўваліся пераважна ў дварах, а гэтай зімой плануецца пасыпаць імі і праезную частку.
Фота — tyt.by
