Мінадукацыі: Абітурыент не зможа здаць ЦТ па дзвюх замежных мовах

Мінадукацыі: Абітурыент не зможа здаць ЦТ па дзвюх замежных мовах

Хаця сёлета абітурыент зможа здаваць чатыры цэнтралізаваныя тэсты, але ЦТ па дзвюх замежных мовах здаць не атрымаецца. Пра гэта заявіў начальнік упраўлення вышэйшай адукацыі Міністэрства адукацыі Сяргей Каспяровіч падчас анлайн-канферэнцыі на сайце Белтэлерадыёкампаніі.

Рэч у тым, што ўсе замежныя мовы лічацца адным прадметам, таму ЦТ па іх ладзяцца ў адзін дзень. Адпаведна, абітурыенту давядзецца самому вырашыць, якую з замежных моў ён ведае лепш. А вось тэсты па рускай і беларускай мовах ладзяцца ў розныя дні, таму абітурыенты змогуць здаваць і іх.

Па словах Каспяровіча, прыёмная кампанія 2017 года ў асноўным не будзе сур'ёзна адрознівацца ад папярэдніх гадоў.

Як паведамлялася раней, сёлета ўнесеныя змены ў правілы прыёму ў вышэйшыя і сярэднія спецыяльныя навучальныя ўстановы. Абітурыенты атрымаюць здаваць цэнтралізаванае тэставанне па чатырох навучальных прадметах, тэрмін дзеяння сертыфікатаў ЦТ пашыраны да двух гадоў, колькасць рэзервовых дзён ЦТ павялічаная да трох.

Апошнія навіны

Галоўнае

Выбар рэдакцыі