Мэрыя Масквы не ўзгадніла "Рускі марш"
Улады расійскай сталіцы адмовілі нацыяналістам ва ўзгадненні "Рускага маршу". Яго планавалася правесці 4 лістапада.
Па звестках РБК, такое рашэнне ў мэрыі прынялі з-за той прычыны, што ў заяўцы "былі ўказаныя сярод арганізатараў грамадзяне, якія ўжо былі пазначаныя ў іншых заяўках на гэты дзень".
Сам арганізатар мерапрыемства — лідар руху "Рускія" Дзмітрый Дзёмушкін заявіў, што адмова ва ўзгадненні звязаная з меркаваным маршрутам шэсця. Па яго словах, арганізатары падалі некалькі альтэрнатыўных маршрутаў шэсця, каб каб дасягнуць з уладамі горада кампрамісны варыянт. А мэрыя, нібыта, заявіла, што арганізатары самі не могуць выбраць сабе маршрут.
Меркавалася, што ў "Рускім маршы" прымуць удзел да 30 тысяч чалавек.
Фота з сацыяльных сетак