Лукашэнка: У сферы гандлю не хапае канкурэнцыі (відэа)
Кіраўнік дзяржавы 22 ліпеня сустрэўся са старшынёй савета дырэктароў "Табак-Інвеста" Паўлам Тапузідзісам.
Абмяркоўваліся прапановы бізнесмена па развіцці ў нашай краіне аб'ектаў гандлёвай сеткі. Аляксандр Лукашэнка іх падтрымаў. Ён адзначыў, што бачыць станоўчы эфект ад развіцця канкурэнцыі ў сферы гандлю, што садзейнічае забеспячэнню насельніцтва таварамі па разумных коштах. Лукашэнка мяркуе, што калі будзе канкурэнцыя, "тады і кошты будуць нармальныя", інфармуе БЕЛТА.
Таксама кіраўнік дзяржавы заявіў пра неабходнасць больш актыўна прасоўваць як аб'екты гандлю тавары беларускай вытворчасці. "Вядома, я буду падтрымліваць і настойваць, каб прадавалі ўсё ж такі беларускае, — заявіў Аляксандр Лукашэнка на сустрэчы з бізнесменам. — Гэта патрабаванне прасоўваецца мной у мяккай форме, але мы будзем больш актыўныя ў гэтым кірунку, і вы павінны разумець, што трэба прадаваць і беларускія тавары. Па прадуктах харчавання тут праблем асаблівых няма, але трэба, каб быў прадстаўлены і асартымент адзення, абутку і гэтак далей".
Фота — ria.ru
