Лукашэнка пра асвятленне выбараў: Сакрэтаў ні ад каго быць не павінна

Лукашэнка пра асвятленне выбараў: Сакрэтаў ні ад каго быць не павінна

Аляксандр Лукашэнка заклікаў без лішняй сціпласці прызнаць: выбарчае заканадаўства Беларусі адпавядае міжнародным прынцыпам. Такую заяву кіраўнік Беларусі зрабіў 24 траўня на нарадзе па арганізацыі работы па падрыхтоўцы і правядзенні выбараў дэпутатаў Палаты прадстаўнікоў і чальцоў Савета Рэспублікі Нацыянальнага сходу шостага склікання.

Заканадаўства Беларусі адпавядае міжнародным прынцыпам, ўлічвае правілы, якія склаліся ў краіне, традыцыі правядзення выбараў, лічыць кіраўнік дзяржавы. "Мы ўспрымаем гэта як належнае і, адпаведна, памоўчвалі часам. Аднак сціпласці тут быць не павінна. Пра гэта трэба гаварыць", — перадае БЕЛТА яго словы.

Лукашэнка выказаў сваё меркаванне, як трэба асвятляць выбарчую кампанію: "Сакрэтаў ніякіх ні ад каго быць не павінна".

Ён нагадаў, што дату выбараў павінны абвясціць не пазней за 10 чэрвеня. Раней Лідзія Ярмошына казала, што афіцыйны старт будзе дадзены 7 чэрвеня.

Арганізацыя работы па падрыхтоўцы і правядзенні выбарчай кампаніі рэгулярна абмяркоўваецца на ўзроўні кіраўніка дзяржавы. Гэтым разам на нарадзе ішла гаорка пра ўжо зробленыя крокі, выкананне даручэнняў па ўдасканаленні выбарчага працэсу, гатоўнасць арганізатараў.

Апошнія навіны

Галоўнае

Выбар рэдакцыі