Лукашэнка павіншаваў з 125-годдзем з дня нараджэння Багдановіча
Аляксандр Лукашэнка павіншаваў з 125-годдзем з дня нараджэння паэта Максіма Багдановіча, класіка беларускай літаратуры. Кіраўнік дзяржавы назваў яго "нашым сусветна вядомым і паважаным паэтам".
"Яго вытанчаныя, дасканалыя вершы, якія вызначаюцца майстэрскім выкарыстаннем вобразна-выяўленчых сродкаў, пранікненнем у духоўны свет чалавека і высокай культурай слова, па праве прызнаны адной з вяршынь еўрапейскай паэзіі ХХ стагоддзя, — цытуе віншаванне Лукашэнкі газета "Звязда". — Сваёй дзейнасцю пясняр заклаў падмурак беларускай нацыянальнай эстэтыкі, унёс вялікі ўклад у фарміраванне літаратурнай мовы і станаўленне патрыятычнай свядомасці народа. Таму сёння мы, грамадзяне суверэннай дзяржавы, павінны шанаваць і захоўваць тое, дзеля чаго працаваў наш знакаміты зямляк, — гістарычную памяць, роднае слова, моцную краіну".
Кіраўнік дзяржавы ўпэўнены, што ўрачыстасці з нагоды 125-годдзя Максіма Багдановіча "паспрыяюць умацаванню еднасці грамадства і ўслаўленню творчых талентаў нашага народа".
