Лукашэнка наведвае пацярпелы ад аварыі на ЧАЭС Слаўгарадскі раён
Кожную гадавіну Чарнобыльскай трагедыі кіраўнік Беларусі наведвае раёны, пацярпелыя ад аварыі на ЧАЭС.
26 красавіка Аляксандр Лукашэнка наведвае з працоўным візітам Магілёўскую вобласць, паведамляе БЕЛТА.
У прыватнасці, у кіраўніка дзяржавы запланаваны візіт у пацярпелы ад аварыі на Чарнобыльскай АЭС Слаўгарадскі раён. Лукашэнку раскажуць аб рабоце па сацыяльнай абароне насельніцтва. Акрамя таго, яму даложаць пра завяршальны этап веснавых палявых работ у рэгіёне.
Плануецца, што ў Слаўгарадзе кіраўнік Беларусі наведае філіял холдынгу "Бабушкина крынка". Там ён азнаёміцца з тэхналогіяй вырабу сыроў і выставай прадукцыі. Таксама прадугледжваецца сустрэча Лукашэнкі з жыхарамі Слаўгарада і Слаўгарадскага раёна.
Акрамя таго, ён ускладзе кветкі да Алеі памяці пахаваных вёсак.
Фота — з архіву president.gov.by