Лукашэнка: Айцішнікі сталі атрымоўваць заробкі ў канвертах
Для прыцягнення інвестыцыяў шмат хто ў Беларусі мае ільготы па падатках, заявіў Аляксандр Лукашэнка на сустрэчы з прадстаўнікамі СМІ і грамадскасці 3 лютага. Ён заявіў, што ў кітайска-беларускім індустрыяльным парку "Вялікі Камень" фактычна зусім няма падаткаў.
Таксама ён згадаў ільготныя ўмовы для IT-кампаніяў: "Падаходны падатак толкьі". Праўда, па словах Лукашэнкі, айцішнікі ўсё адно сталі выкручвацца і плаціць сваім супрацоўнікам заробкі ў канвертах. "Вось вам і айцішнікі", — канстатаваў кіраўнік Беларусі.
