Лесавоз пашкодзіў у Барысаве газаправод
Ад удару ў ім утварыліся расколіны даўжынёй 5 см.
24 красавіка лесавоз Scania пашкодзіў газаправод на дрэваапрацоўчым камбінаце ў Барысаве.
Як паведамляе Мінскае абласное ўпраўленне Міністэрства па надзвычайных сітуацыях, здарэнне адбылося зранку ў пятніцу. Каля 10.30 лесавоз Scania з не апушчаным маніпулятарам пашкодзіў надземны сталёвы газаправод высокага ціску дыяметрам 108 мм. Газаправод ішоў ад газаразмеркавальнага пункта да дзвюх кацельняў — філіяла "Барымак" і Барысаўскага шпалапрапітачнага завода.
Рабочыя аператыўна перакрылі газаправод і заняліся яго рамонтам. На трубе ўтварыліся расколіны даўжынёй 5 см. Зварачныя работы працягваліся да вечара. 24 красавіка ў 17.45 газазабеспячэнне было адноўленае. Пацярпелых няма.
Толькі пасля гэтага ратавальнікам паведамілі пра здарэнне.
Фота — mchs.gov.by
