Вы тут

Крэмль: Бязвізавы рэжым паміж Беларуссю і краінамі ЕС — гэта яе ўнутраная справа

Фота: Sputnik

Увядзенне Беларуссю бязвізавага рэжыму з краінамі ЕС ды іншымі дзяржавамі — гэта ўнутраная справа Беларусі. З такой заявай выступіў прэс-сакратар расійскага прэзідэнта Дзмітрый Пяскоў.

Пяскоў удакладніў, што ўвядзенне бязвізавага рэжыму афіцыйны Мінск узгадняў з Масквой. Разам з тым, ён не змог сказаць, калі і на якім узроўні адбывалася ўзгадненне.

"Пры прыняцці такіх рашэнняў, безумоўна, адбудоўваецца ўвесь працэс такім чынам, каб выключыць праецыраванне падобнага бязвізавага рэжыму на нашу мяжу", — цытуе interfax.by словы прадстаўніка Крамля.

Таксама Пяскоў заявіў, што не гатовы адказаць на пытанне, ці будзе Масква браць прыклад з Мінска ў абвяшчэнні бязвізавага рэжыму.

9 студзеня Аляксандр Лукашэнка падпісаў указ, які дазваляе грамадзянам 80 краінаў знаходзіцца ў Беларусі без візаў на працягу пяці дзён. Пры гэтым яны павінныя прыбыць у нашу краіну праз Нацыянальны аэрапорт Мінск. Як даведалася Еўрарадыё, гэты ўказ набудзе моц 11 лютага.

 

Новости других медиа
Загрузка...
Загрузка...

Галоўнае

Выбар рэдакцыі

Удзельніка шэсця на Дзень Волі вядуць на суд. Фота: Еўрарадыё