Краіны ЕС дамовіліся пра новыя санкцыі супраць Расіі
Яны закрануць нафтавы сектар, абарону, прадукцыю двайнога прызначэння і тэхналогіі.
Як паведамляе РІА "Новости", пагадненне, дасягнутае сёння ў Бруселі, папярэдняе. ЕС такім чынам адказвае на ўмяшальніцтва Расіі ва ўнутраныя справы Украіны.
Эканамічныя санкцыі супраць Расіі разлічаныя на год. Яны набудуць моц адразу пасля зацверджання, але не паўплываюць на ўжо заключаныя здзелкі і пагадненні. Санкцыі не закрануць газавую галіну, паколькі ЕС дагэтуль залежыць ад расійскага газу, адзначае ВВС. Іншыя падрабязнасці стануць вядомыя 30 ліпеня.
СМІ: пад санкцыі ЕС трапілі чатыры расійскія алігархі, блізкія да Пуціна
Фота — ria.ru
