Кітайскія журналісты прыедуць у Беларусь
29 супрацоўнікаў агенцтва Сіньхуа наведаюць Беларусь у рамках прэс-тура “Новы Шаўковы шлях — новая мара”.
Пра гэта БелаПАН паведамілі начальнік аддзелу па сувязях з грамадскасцю гатэлю “Пекін-Мінск” Вераніка Карлюкевіч.
Паводле яе словаў, журналісты прыедуць у Мінск 29 жніўня і прабудуць тут некалькі гадзінаў. Адзіны пункт іх праграмы ў беларускай сталіцы — гатэль “Пекін”. Затым яны накіруюцца ў Віцебск, дзе ў іх запланаваны шэраг сустрэчаў.
Карлюкевіч патлумачыла, што прэс-тур “Новы Шаўковы шлях — новая мара” з’яўляецца праектам інфармацыйнага агенцтва Сіньхуа. Яго рэалізацыі пачалася ў чэрвені ў Пекіне. У рамках прэс-туру журналісты праехалі па некалькіх правінцыях Кітая, наведалі Казахстан і Расію. Пасля Беларусі яны накіруюцца ў Польшчу і Германію.