"Ісламская дзяржава" ўзяла адказнасць за расстрэл людзей у Стамбуле
Тэрарыстычная "Ісламская дзяржава" ўзяла адказнасць за расстрэл людзей у Стамбуле. У навагоднюю ноч у клубе Reina загінула 39 чалавек, каля 60 было паранена. Сярод загінулых 25 замежнікаў, у тым ліку і грамадзянка Расіі.
Як інфармуе "Бі-Бі-Сі", у распаўсюджанай заяве "Ісламскай дзяржавы" адзначаецца, што "салдат халіфата здзейсніў напад на клуб, дзе хрысціяне святкавалі ерэтычнае свята". Тэрарыст здолеў уцячы. У нападзе на начны клуб у Стамбуле падазраюць грамадзяніна Узбекістана ці Кыргызстана, звязанага з тэрарыстычнай групоўкай, паведамляе Радыё Свабода.
