Гомельскі суд не аднавіў маладафронтаўца Цянюту ва ўніверсітэце

Яна адмовіла ў задавальненні скаргі сустаршыні зарэгістраванай у Чэхіі арганізацыі "Малады фронт" Андрэя Цянюты. Адказчыкам па справе з'яўляўся Гомельскі дзяржаўны універсітэт імя Францыска Скарыны. 

З ВНУ актывіст быў адлічаны 20 мая 2014 года — нібыта за парушэнне статута: Цянюту арыштавалі напярэдадні чэмпіянату свету па хакеі. Былы студэнт палічыў адлічэнне незаконным і палітычна матываваным і падаў скаргу ў суд. 

Прадстаўнік універсітэта прасіў суд адмовіць у задавальненні скаргі, бо, на яго думку, былі прапушчаныя тэрміны абскарджання, а адлічэнне было законным. 

Андрэй Цянюта рашэнне суда назваў чаканым. Па яго словах, якія перадае БелаПАН, калі справа датычыць палітыкі, то суд заўсёды становіцца на бок дзяржавы, а не актывістаў. Цянюта намераны абскарджваць рашэнне суда. 

Фота — svaboda.org