Футбалісты мазырскай "Славіі" запісалі беларускамоўны ролік (відэа)
Ён прысвечаны пачатку чэмпіяната Беларусі па футболе ў першай лізе.
Адметнасць — усе футбалісты каманды гавораць па-беларуску. У натхняльным відэа гульцы запрашаюць гледачоў на стадыён, а таксама пераконваюць, што яны здольныя на многае, адзначае "Наша ніва".
Галоўным трэнерам каманды з'яўляецца вядомы ў краіне футбольны спецыяліст Юрый Пунтус. У першым туры 19 красавіка "Славія" дома будзе прымаць "Смалявічы-СТІ", каманду, якую летась трэніраваў Пунтус.