Фотафакт: Да Алеся Лагвінца ў суд выклікалі медыкаў
Да затрыманага Алеся Лагвінца ў суд выклікалі "хуткую". Пра гэта паведаміла ў Фэйсбуку Аліна Нагорная. На час прыезду медыкаў быў абвешчаны перапынак.
Як паведамляла Еўрарадыё, апазіцыйнага палітыка пры затрыманні моцна збілі — да крыві. Сведкам гэтага быў сын Лагвінца — Антось, якога затрымалі разам з бацькам.
Лагвінца судзяць за хуліганства (арт. 17.1 КаАП).