Фотафакт: беларуская праваабаронца знайшла ў сваёй машыне мікрафон
Таццяна Равяка выклікала майстра, каб ён адрамантаваў сігналізацыю ў аўтамабілі.
Падчас рамонту ён пацікавіўся, для чаго там мікрафон. Равяка пра яго нічога не ведала. Гэта магла быць прылада для праслухоўвання ці для фіксацыі перамяшчэнняў.
Праваабаронца піша ў Facebook, што купіла легкавік у 2010 годзе ў Літве. Да яе яго ўласнікам была юрыдычная асоба.
