Фота: БРСМ зрабіў свой варыянт вышыванкі
З першага погляду "вышыванка ад БРСМ" нагадвае ўкраінскія матывы.
Беларускі рэспубліканскі саюз моладзі распрацаваў свой варыянт вышыванкі, распавядае сайт БРСМ.
Асновай малюнка стала выява чырвоных яблыкаў сярод зялёных галін як знака маладосці і творчасці. Усё гэта зроблена на белым фоне. "Яблык са старажытных часоў у славянскай культуры з'яўляецца пладом, які сімвалізуе дастатак, міралюбнасць, вечную маладосць. Дарэчы, сувязь паміж яблыкам і яблыняй мае асаблівае значэнне. Яна адлюстроўвае пераемнасць пакаленняў, імкненне дзяцей працягваць справы сваіх бацькоў", — тлумачаць у БРСМ.
Паведамляецца, што майку-пола са стылізаваным пад вышыванку малюнкам распрацавалі ўдзельнікі конкурсу "100 ідэй для Беларусі".
Дарэчы, з першага погляду "бээрэсэмаўская вышыванка" нагадвае не беларускія, а ўкраінскія матывы.
Першымі абноўку прымерылі ўдзельніцы беларускага фіналу міжнароднага студэнцкага конкурсу грацыі і артыстычнага майстэрства "Каралева Вясна-2016", які пройдзе ў Мінску 26 траўня.