Дзевятоўскі можа стаць старшынёй лёгкаатлетычнай федэрацыі 25 верасня
Пасля словаў Аляксандра Лукашэнкі пра накіраванне дэпутатата ў лёгкую атлетыку там прызначылі пазачарговую справаздачна-выбарную канферэнцыю.
“Яшчэ ніхто не змяніўся. 25 верасня будзе Канферэнцыя, і ўсё будзе вырашана”, — распавяла ў гутарцы з Еўрарадыё генеральны сакратар БФЛА Эліна Зверава.
Нагадаем, што 26 жніўня у Федэрацыі хакея мелася адбыцца свая Канферэнцыя, на якую былога лёгкаатлета і дзейнага дэпутата Вадзіма Дзевятоўскага вылучылі кандыдатам у кіраўнікі. Аднак мерапрыемства нечакана адклалі на няпэўны час.
А ў першы дзень восені з экс-алімпійцам сустрэўся кіраўнік дзяржавы. Аляксандр Лукашэнка прызнаўся, што гэта ён “думаў, што Дзевятоўскі, можа, і справіўся б з Федэрацыяй хакея”. Але ўсё ж змяніў сваё меркаванне і вырашыў накіраваць былога прызёра Алімпіяды у яго стыхію — лёгкую атлетыку, бо “трэба зубамі чапляцца і вяртаць лідарскія пазіцыі”.
Лукашэнка даручыў Дзевятоўскаму глыбока вывучыць праблемы лёгкай атлетыкі
