Домрачава зарабіла за кубкавы сезон у чатыры разы болей за Б’ёрндалена

Двухразовы алімпійскі чэмпіён па біятлоне француз Мартэн Фуркад зарабіў найбольшыя прызавыя за мінулы Кубкавы сезон — 240 тысяч еўра. За ім сярод мужчын-біятланістаў за ім ідуць расіянін Антон Шыпулін, славенец Якаў Фак і немец Сімон Шэмп. На пятым месцы — нарвежскі біятланіст Ёханэс Бо, які атрымаў 110 тысяч еўра прызавых.

Прыбыткі славутага нарвежца Эміля Хегле Свенсена ад выступаў у Кубку свету зніжаюцца цягам чатырох сезонаў. Сёлета ён зарабіў 88 тысяч еўра.

Тырыл Экхаф зарабіла 62 500 еўра і гэта перавысіла ганарары Тар’ея Бо (60 500 еўра) і Уле Эйнара Б’ёрндалена (58 тысяч еўра).

А вось беларуска Дар’я Домрачава зарабіла ў чатыры разы болей за Б’ёрндалена — яе ганарары склалі 230 тысяч еўра. Сярод жанчын наша біятланістка лідар па велічыні атрыманых ганарараў. Яе галоўная канкурэнтка фінка Кайса Макярайнен зарабіла за сезон 205 тысяч еўра прызавых, піша by.tribuna.com