Цягнік Брэст-Масква сутыкнуўся з аўтамабілем у Жабінкаўскім раёне (фота)
На шчасце, абышлося без ахвяраў. Абодва чалавекі, якія былі ў аўтамабілі "Хёндай-Акцэнт", не пацярпелі.
Як інфармуюць ратавальнікі, 28 верасня хуткі цягнік Брэст-Масква сутыкнуўся з аўтамабілем у Жабінкаўскім раёне. Здарэнне адбылося каля 12.20 у раёне чыгуначнай станцыі вёскі Маціевічы Жабінкаўскага раёна.
У выніку сутыкнення ў лакаматыва пашкоджаная колавая пара. Рух цягніка быў прыпынены. У 13.02 цягнік адбуксіравалі на чыгуначную станцыю "Жабінка". Аўтамабіль атрымаў механічныя пашкоджанні.
Рух цягніка аднавілі ў 13.38. Затрымка склала 1 гадзіну 14 хвілін.
Фота — mchs.gov.by