Не ўпэўнены, што любіце джаз? Ці ўпэўнены, што ведаеце пра джаз усё?

Вакалістка і мастацкі кіраўнік этна-джазавага калектыву Akana-NHS Ирэна Катвіцкая распавяла Еўрарадыё, як узнік сумесны праект з нямецкім бэндам Diagilew Project, якую музыку Akana-NHS павязе на фестываль “Краіна мрій”, і чаму часам трэба не “улагодзіць” слых, а наадварот — выклікаць музычны стрэс.

Еўрарадыё: 5 чэрвеня ў вас цікавы канцэрт. Як упляцеце старажытныя песні ў авангард-джазавую інтэрпрэтацыю?

Ірэна Катвіцкая: На гэтым канцэрце прагучаць вакалы гурта Акана NHS у інструментальным афармленні джазавага бэнда Максіма Дзягілева. Мы вельмі пасябравалі з нямецкім бэндам Diagilew Project на нашых гастролях у Германіі. Пасля першага ж “джэма”, які мы устроілі пасля канцэрту перад усёй публікай, зразумелі — нам вельмі спадабалася быць побач!

І.Катвіцкая. Дыск NHS 700 перамог у намінацыі Лепшы дэбютны альбом на ўзнагародах Experty.by па выніках 2008 года

Канцэрт “Джаз Джаз” адразу ж атрымаў адабрэнне ў Міністэрства культуры нашай краіны і ў Бонскага аддзела культуры па сувязях з Беларуссю. І мы вырашылі не марнаваць час дарма — зрабіць такі сумесны канцэрт. У арганізацыі нам дапамагаюць кампанія “Будзьма” і Беларускі народны банк.

Еўрарадыё: Што такога незвычайнага будзе ў вашым сумесным канцэрце?

Ірэна Катвіцкая: Пакажам само паходжанне сумеснай творчасці — вы ўбачыце, з якіх кампанентаў варыцца такі кактэйль як этна-джаз. Там будзе прадстаўлена этнічная беларуская музыка ў нашым выкананні, музыка Акана NHS. Будзе чысты джаз Максіма Дзягілева і яго бэнда. А пад канец выступу гэта ўсё выльецца ў такую сумесную творчасць, да якой мы цяпер прыкладаем нямала намаганняў.