За адмену смяротнага пакарання выступаюць 39% беларусаў

Адмену смяротнага пакарання падтрымліваюць 39% беларусаў, 48% выступаюць супраць. Такія вынікі нядаўняга сацыялагічнага апытання прывёў дырэктар соцыяметрычнай лабараторыі “НОВАК” Андрэй Вардамацкі.

Такая заява прагучала падчас круглага стала “Еўрапейскія каштоўнасці”, які прайшоў у Мінску 4-5 лютага з удзелам беларускіх чыноўнікаў, недзяржаўных арганізацыі і прадстаўнікоў Савета Еўропы.

Дарэчы, на думку сацыёлага, пры дапамозе медыйнай кампаніі гэтую розніцу ў 9% можна кардынальна змяніць за адзін месяц.