Image 30505
змяніць памер text size +1 text size -1 | даслаць каментар (0) 

версія да друку | перашліце гэты артыкул

Міністэрства абароны пераклала свае статуты на беларускую мову

2010-02-08 18:32:43, Валера Руселік

“Раўняйся!”, “Стройся!”, “Крокам марш!”, “Кругом!”, “Добрага здароўя, таварыш лейтэнант!” — так вайсковыя каманды загучалі на роднай мове

Ужо напрыканцы лютага пабачаць свет беларускамоўныя варыянты вайсковых статутаў. Пераклад выканаў Інстытуту мовазнаўства Акадэміі навук на замову Міністэрства абароны. Як паведаміў Еўрарадыё начальнік прэс-службы Мінабароны Вячаслаў Раменчык, з’яўленне галоўнага дакумента для салдат на тытульнай мове — гэта чарговы этап па агульным удасканаленні Ўзброеных сіл. Найперш пераклады адрасаваныя адзінаму беларускамоўнаму вайсковаму аддзяленню — роце ганаровай варты.

Вячаслаў Раменчык: “Быў этап у нас — мы стваралі “Слоўнік вайсковых тэрмінаў”. Ён ёсць — ён дапамагае ў штодзённай дзейнасці. Зараз шэраг дакументаў, якія рэгламентуюць штодзённую дзейнасць войскаў, перакладаецца. У нас ёсць ва Ўзброеных сілах падраздзяленне, якое ўжо размаўляе на беларускай мове, дзе загады аддаюцца па-беларуску — гэта рота ганаровай варты. Для іх поўнай жыццядзейнасці і перакладаецца шэраг дакументаў”.


Намесніца дырэктара Інстытуту мовазнаўства Нацыянальнай акадэміі навук Любоў Кунцэвіч адмыслова для Еўрарадыё прывяла прыклады з перакладаў, зробленых на замову вайскоўцаў.

Любоў Кунцэвіч: “Яны сказалі, што справаводства будуць пераводзіць на беларускую мову — і вось пачалі з перакладу гэтых статутаў. Перакладалі “Крокам марш!”, а “Смирно” – “Смірна!”, так і будзе. Зварот застанецца ў выглядзе “таварыш”. “Спадара” дакладна не будзе”.

Дарэчы, хоць спадар лейтэнант у беларускім войску і надалей застанецца “таварышам”, аднак салдаты будуць яму не “здравия желать”, а зычыць “добрага здароўя”.

Аднак перакладніцкага буму ў войску ды і ў іншых дзяржаўных структурах чакаць не варта. Прынамсі, упэўненая Любоў Кунцэвіч, да лепшых у матэрыяльным плане часоў. Паслуга па перакладзе ў Акадэміі навук — платная.

Любоў Кунцэвіч: “Апошнім часам гэта ўсё на грошах завязана, плаціць не хочацца — не звяртаюцца. Ну, вайсковыя гэтыя, якія давалі статут перакласці, абяцалі, што будуць яшчэ і іншыя нейкія дакументы перакладаць. Тое, што яны плацілі, — гэта на заработную плату там і напалову не было. Таму што падаткаў больш чым заробкаў атрымалася”.

Пра грошы на падручнікі адразу ж згадваюць і ў рэгіёнах. Вайсковы камісар Мастоўскага ваенкамату Алег Шэндэровіч пра беларускамоўныя пераклады нічога не чуў. На думку камісара, асаблівай патрэбы ў пераходзе войска на беларускую мову няма.

Алег Шэндэровіч: “Напачатку 1990-х спрабавалі, аднак гэтак нічога і не атрымалася ў дзяржаве. У нас спецыялістаў тут таксама — гэта трэба будзе купляць буквары і сядзець. Бо граматна пісаць — тут людзі не ўсе да гэтага падрыхтаваныя”.

Магчыма, калі служба не толькі ў ганаровай варце, але і ў астатніх Узброеных Сілах краіны станецца сапраўды ганаровай, варту межаў ды мірнага неба над галавой суграмадзянаў будуць трымаць і беларускамоўныя памежнікі, танкісты, пяхота ды дэсантнікі.



Фота з telegraf.by


 
 

Даслаць каментар









captcha image


равняйся-Раўнуй!



смирно-Зважай!



налево-Лева-фронт!



направо-Права-фронт!



кругом,-Тыл-фронт!



шагом марш-Крокам руш!



колонна стой раз два,-Шыхт стой, раз,два!



равнение на середину-Зважай на сярэдзіну!



Неяк так.

А што наконт перакладаў, дык можна зрабіць нейкі фонд там якісь, Скінуцца хто колькі можа, можа хоць так войска моўным стане. Вось чоценька было б.

Апублікавана: Міхась Серада, Чэрвень 16, 2010
Адказаць


Войска служыць той краіне, на якой мове "размаўляе". Савецкае да прыкладу служыла Расеі, нягледзячы на тое, што было шматнацыянальным. Нашае - зусім ня нашае, а акупацыйнае, тое ж расейскае. Такое маё перакананьне, былога эсэсэсэраўскага афіцэра.

Апублікавана: Kaptar Аўторак, Чэрвень 15, 2010
Адказаць

ll
Навукрўцы зь Акадэміі навук сапраўдны хаўтуршчыкі.

Апублікавана: Aliaks Панядзелак, Май 3, 2010
Адказаць


витавту и мове



дайте, пожалуйста, для примера несколько команд па-беларуску из тех старых войсковых словарей:



равняйся

смирно

налево

направо

кругом,

шагом марш

левое плечо вперед

на первый второй расчитайся

по порядку номеров расчитайся

оружие к бою

колонна стой раз два,

равнение на середину

....

Апублікавана: прав Чацвер, Красавік 8, 2010
Адказаць

Мова
Цалкам згодны з “Vitaut”. Гэта акадэмікі-перакладчыкі зрабілі пераклад з Маскальскае (Расейскае) мовы не на Беларускую мову, а на “расейска-беларускую трасянку”. Каб тыя вайсковыя прыхадні з усходу, што не паважаюць і не жадаюць ведаць дзяржаўную Беларускую мову — маглі разумець “пераклад”. За такую “працу” гэтыя гора-перакладчыкаў і капейкі ламанй замнога. Зьвярнуліся-б вайскоўцы у Таварыства Беларускай Мовы — якасьць перакладу была-б невымерна лепш.

Апублікавана: Dzjadulja Нядзеля, Сакавік 14, 2010
Адказаць

Vitaut
Сумна, што ў нацыянальнай акадэміі сядзяць бяздарныя моваведы. Як можна рабіць з камандаў калькі з расейскай. Існуюць жа ўласнабеларускаія каманды і плаціць мінабароне гэтым лагцугам ня варта было - скарыстацца вайсковымі слоўнікамі мінулых гадоў.

Апублікавана: vitaut1@gmail Панядзелак, Люты 22, 2010
Адказаць

AПОШНІЯ РЭПАРТАЖЫ

Заіка: Адмена ліцэнзавання – гэта толькі паўлібералізацыя!

Ці змогуць правайдэры абмежаваць беларусаў ад 4 мільёнаў порнасайтаў?

Кантрабанда наркотыкаў праз Беларусь вырасла амаль у тысячу разоў

"Палац" запісаў гімн для мінскага "Дынама"

Каго абавязкова трэба паслухаць на Джаз-Кактэбель 2010?

На матчы БАТЭ і зборнай Беларусі забаранілі прыносіць вувузелы

Адказнасць за атаку на расійскую амбасаду ўзялі на сябе анархісты (відэа)

Як выжывае моладзевая ініцыятыва ў Смалявічах (фота)

Тэлевізары з-за мяжы можна прывозіць толькі раз на год?

Медыкі чакаюць бум ВРВІ

Лукашэнка памяняў дзень нараджэння, каб змяніць карму (фота+відэа)

Кожны 8-ы беларус пакутуе ад псіхічнага расстройства

Чалы: У Мытным саюзе Расія імкнецца зарабляць за кошт Беларусі