2011 год стане правальным для вышэйшых навучальных устаноў краіны

Наступны год стане правальным для вышэйшых навучальных устаноў краіны па наборы студэнтаў на першы курс. Набіраць асабліва не будзе з каго. Пра гэта падчас “круглага стала” “Палітыка ЕС і Беларусі ў галіне адукацыі: дзелімся вопытам” заявіў кандыдат фізіка-матэматычных навук, дацэнт Беларускага дзяржаўнага тэхналагічнага ўніверсітэта Сяргей Вятохін.

Сяргей Вятохін: “Гэтага крызісу ў нас пакуль няма, але ён пачнецца з наступнага года, калі мы ўсе правалімся па наборы студэнтаў. Гэта аб’ектыўна — проста выпускнікоў не будзе”.



Нагадаем, што з 1 верасня 2009 года беларускія школы, згодна з дэкрэтам прэзідэнта ад 17 ліпеня 2008 года “Аб асобных пытаннях агульнай сярэдняй адукацыі”,  перайшла на 11-ці гадовае навучанне. Да гэтага навучанне было дванаццацігадовае. Такім чынам, сёлета атэстаты аб заканчэнні школы атрымаюць як тыя, хто вучыўся ў “дванаццацігодцы”, так і тыя, каму выпала “асіліць” школьную праграму за 11 гадоў. У наступным жа годзе наадварот чакаецца невялікая колькасць выпускнікоў школ.

Згодна са звесткамі Мінадукацыі, зараз у ВНУ навучаецца 430 тысяч студэнтаў.


Фота Змітра Лукашука