"Белнафтахім" патлумачыў, чаму не зніжае цэны на бензін

"Белнафтахім" патлумачыў, чаму не зніжае цэны на бензін

Канцэрн "Белнафтахім" патлумачыў, чаму цэны на бензін не зніжаюцца пры падзенні цэн на нафту. На яго афіцыйным сайце адзначаецца, што на працягу мінулага года і ў пачатку 2016-га ў Беларусі рознічныя цэны на аўтамабільнае паліва, устаноўленыя ў беларускіх рублях, не змянялiся. Пры гэтым зніжаліся цэны ў доларавым эквіваленце, звяртае ўвагу "Белнафтахім".

На 1 ліпеня 2015 года рознічная цана на аўтабензін АІ-92 складала 0,72 долара за літр, на 5 лютага 2016 года — 0,52 долара (амаль на 28% менш), дызельнага паліва — 0,78 і 0,55 адпаведна (на 29,5% менш). Тона нафты, якая пастаўляецца ў Беларусь на гэтыя даты, каштавала 255,88 і 182,63 долара (зніжэнне склала амаль 29%).

"У валютным эквіваленце цэны зніжаліся прапарцыйна кошту нафты, якую беларускія НПЗ закупляюць у Расійскай Федэрацыі за валюту па цэнавай формуле", — гаворыцца ў паведамленні прэс-службы канцэрна. Атрымліваецца, што з 1 ліпеня мінулага года да сённяшняга дня ў доларах з улікам курсу беларускага рубля рознічныя цэны на аўтамабільнае паліва знізіліся гэтак жа, як і кошт нафты, у сярэднім на 28,7%.

"Белнафтахім" звяртае ўвагу і на той факт, што кошт паліва на беларускіх аўтазапраўках застаецца самым нізкім сярод суседніх краін, акрамя Расіі.

Апошнія навіны

Галоўнае

Выбар рэдакцыі