Беларускім грамадзянам рэкамендуюць не ехаць у Йемен

Беларускі МЗС заклікаў беларусаў устрымацца ад паездак у Йемен. Тым, хто цяпер знаходзіцца ў гэтай краіне, рэкамендуюць або экстрана эвакуявацца, або датрымлівацца максімальных захадаў бяспекі і не наведваць месцаў масавага скаплення людзей. Экстраная эвакуацыя з Йемена для беларускіх грамадзян магчымая праз консульскую службу Расіі.

Сітуацыя ў Йемене абвастрылася пасля захопу ўлады шыітамі-хаўсітамі і ўцёкаў прэзідэнта. Цяпер краіну бамбіць з паветра Саўдаўская Аравія. Гэтыя дзеянні падтрымлівае прэзідэнт ва ўцёках і ўрады значнай часткі арабскіх краін.

У сваю чаргу лідар шыіцкага руху Хезбалах Хасан Насрала называе дзеянні арабскіх краін агрэсіяй і заклікае да перамоваў. Ён лічыць, што Йемен хочуць захапіць.

Саўдаўская Аравія сцвярджае, што хаўсітаў актыўна падтрымлівае Іран, таму захоп улады ў Йемене можна лічыць вонкавай агрэсіяй, пішуць naviny.by

Фота: REUTERS