БАТЭ ўжо ў Партугаліі, заўтра матч з "Порту" (фота)
Барысаўчане ў сераду стартуюць у групавым раўндзе футбольнай Лігі чэмпіёнаў.
Матч "Порту" — БАТЭ пачнецца ў 21.45 паводле беларускага часу.
У Партугалію футбалісты беларускага клуба прыляцелі 16 верасня.
Як інфармуе "Прессбол", былы гулец БАТЭ Рэнан Брэсан, які цяпер выступае за партугальскі "Рыў Аве", збіраецца сустрэцца ў гатэлі з сваімі старымі знаёмымі. А на стадыён не пойдзе — будзе глядзець матч па тэлевізары.
Фота — ФК БАТЭ