Бацькі вучняў будуць патруляваць тэрыторыі школ і гімназій у Мінску?

Бацькі вучняў будуць патруляваць тэрыторыі школ і гімназій у Мінску?

Бацькам вучняў сталічных гімназій і школ на бацькоўскіх сходах паведамляюць “прыемную” навіну. На вакацыях, з 2- га студзеня ім трэба патруляваць тэрыторыі школы.

Настаўнікі і адміністрацыя школы просіць скласці графік дзяжурства: два чалавекі на дзень. Трэба прыходзіць, адзначацца ў школе і несці вахту з 7:00 да 19:00. Невядома толькі, ці трэба браць сабаку і што рабіць з парушальнікамі.

“Гэта для таго, каб дзеці не рабілі правапарушэнняў на тэрыторыі школы. Складаюцца графікі дзяжурства бацькоўскага патруля. Гэта на добраахвотнай аснове. Гэта як валанцёрскі рух. Калі патруль бачыць правапарушэнне — выклікае міліцыю”, — кажуць пра патруль у адміністрацыі Кастрычніцкага раёна Мінска. Па словах чыноўнікаў, такая практыка існуе ўжо з год.

Далей пайшлі ў 129 сталічнай школе: бацькоўскі патруль правярае нядобранадзейныя сем’і, вывучае бытавыя ўмовы ў сям’і, паводзіны бацькоў. Такіх абавязкаў на сайце школы цэлы спіс.

“Бацькоўскім патрулём выяўляюцца прычыны і ўмовы, якія спрыяюць здзяйсненню правапарушэнняў сярод падлеткаў і навучэнцаў.

Бацькоўскі патруль правярае працу дваровых пляцовак, стан парадку на іх.

Бацькоўскi патруль вядзе патруляванне ў мікрараёне школы ў адпаведнасці з маршрутам.

Бацькоўскі патруль выяўляе падлеткаў, схільных да правапарушэнняў і бадзяжніцтва.

Бацькоўскі патруль выяўляе бацькоў, якія сваімі паводзінамі адмоўна ўплываюць на дзяцей, уносіць прапанову аб прыняцці мер”.

У некаторых мінскіх школах бацькоўскі патруль існуе толькі намінальна. 

Але ніякім нарматыўным дакументам стварэнне такіх “добраахвотных” патрулёў з бацькоў вучняў не рэгулюецца. Пра гэта даведваемся ў камітэце па адукацыі Мінгарвыканкама. Усё вырашаюць… самі бацькі!

“Такога загаду няма. Гэта вырашаюць самі бацькоўскія камітэты ў школах. Нарматыўнага акта такога няма”, — кажць у камітэце.

А калі няма дакумента, то і ад удзелу ў патрулі можна адмовіцца.

Апошнія навіны

Галоўнае

Выбар рэдакцыі