Аляксандр Лукашэнка: Двое дзяцей — гэта абавязкова

Па яго словах, якія перадае БЕЛТА, сродкі, якія вызваляюцца ад адмены неабгрунтаваных ільготаў, пойдуць на стымуляванне нараджальнасці. Лукашэнка заявіў, што ў Беларусі будзе рабіцца ўсё неабходнае, "каб стымуляваць нараджэнне двух, трох і больш дзяцей". 

Гаворачы пра падтрымку мацярок і сем'яў, якія выхоўваюць дзяцей, кіраўнік Беларусі заявіў: "Двое дзяцей — гэта абавязкова. А нараджэнне траіх, чацвярых трэба стымуляваць. Па меры скарачэння льготаў грошы будуць накіроўвацца менавіта сюды. Прынамсі, пакуль я прэзідэнт, гэтая сфера не будзе абдзеленая ўвагай". 

Таксама Лукашэнка прапанаваў аб'яднаць у адзін закон ўсе меры па падтрымцы сем'яў, якія выхоўваюць дзяцей.

Фота — freesmi.by