8-гадовы хлопчык патануў у Рагачове на Дняпры
Гэта здарылася 19 ліпеня ўдзень.
Школьнік 2006 году нараджэння пайшоў гуляць на раку з сябрамі. У пэўны момант дзеці ўбачылі, што іх сябар тоне, і паведамілі пра гэта яго маці.
На месца здарэння выклікалі работнікаў АСВОДа, якія прыбылі туды на маторным катэры і знайшлі на беразе асабістыя рэчы хлопчыка. Яго цела знайшлі ў вадзе і вынеслі на бераг.
Участак ракі, дзе здарылася трагедыя, быў непрыстасаваны для купання. Шырыня Дняпра тут складае 150 метраў, а глыбіня — каля трох метраў.
У МНС нагадваюць, што ў пятніцу падобны інцыдэнт здарыўся пад Гродна: у крэйдавым кар’еры патанула 12-гадовая дзяўчынка, інфармуе БЕЛТА.